RSS

Monthly Archives: December 2017

Koi Umeed Bar Nhi Aati – Ghalib

Koi umeed bar nahin aati
koi soorat nazar nahin aati

maut ka ek din mu’ayyan hai
neend kyon raat bhar nahin aati?

aage aati thi haal-e-dil pe hansee
ab kisi baat par nahin aati

jaanta hoon sawaab-e-taa’at-o-zahad
par tabeeyat idhar nahin aati

hai kuch aisi hi baat jo chup hoon
warna kya baat kar nahin aati?

kyon na cheekhoon ki yaad karate hain
Meri awaaz gar nahin aati.

daagh-e-dil gar nazar nahin aata
boo bhee ‘ei chaaraagar ! nahin aati

hum wahaan hain jahaan se humko bhi
kuch hamari khabar naheen aati

marte hain aarzoo mein marne ki
maut aati hai par nahin aati

kaaba’a kis munh se jaaoge ‘Ghalib’
sharm tumko magar nahin aati

Advertisements
 
Leave a comment

Posted by on December 5, 2017 in Uncategorized